20 цікавых фактаў пра Беларусь

Дадаць у Мой Гід

1. Праз тэрыторыю Беларусі працякаюць 20800 рэк. Рэк, даўжыня якіх больш за 500 км, усяго дзевяць: Бярэзіна, якая працякае цалкам па тэрыторыі Беларусі;. Нёман і Вілія, якія бяруць свой пачатак на тэрыторыі Беларусі; Заходняя Дзвіна, Днепр, Сож, Прыпяць, Гарынь і Заходні Буг з'яўляюцца транзітнымі.

2. 345 метраў над узроўнем мора - гэта самы высокі пункт Беларусі, гара Дзяржынская. Знаходзіцца ў межах Мінскага ўзвышша ў 30 кіламетрах на захад ад Мінска, непадалёк ад Дзяржынска, у вёсцы Скірмантава. Раней называлася "Святая гара", а ў 1958 годзе назва была змененая на сучасную.

3. Беларусь - самая вялікая еўрапейская краіна, у якой няма выхаду да мора. Бліжэйшае марское ўзбярэжжа знаходзіцца на адлегласці 200 км.

4. У межах нашай дзяржавы маглі б змясціцца некалькі еўрапейскіх краін: напрыклад, тэрыторыі Грэцыі, Бельгіі і Швейцарыі.

5. Беларусь называюць "лёгкімі Еўропы", бо 36% тэрыторыі нашай дзяржавы займаюць лясы. Менавіта таму ў нас неверагодна лёгка дыхаць, а паветра нават у гарадах вельмі свежае ў параўнанні з іншымі краінамі.

6. Балоты займаюць практычна 1,7 мільёна гектараў Беларусі, яны адсарбуюць з атмасферы велізарную колькасць вуглякіслага газу. А яшчэ балоты набіраюць усё большую папулярнасць у турыстаў.

7. 77% жыхароў Беларусі - гараджане, а значыць, ўсяго толькі 23% жывуць у сельскай мясцовасці. З-за гэтага вандроўнікі могуць не сустрэць нікога на сваім шляху, перасякаючы прасёлкавыя дарогі.

8. У Беларусі ёсць шмат радовішчаў карысных выкапняў. Самае вялікае з іх - радовішча калійнай солі пад Салігорскам. Гэта самае вялікае ў Еўропе і адно з найбольшых у свеце радовішчаў калійнай солі.

9. За сваю гісторыю Беларусь змяніла шмат назваў. Напрыклад, мы былі ў складзе Вялікага княства Літоўскага, Рускага і Жамойцкага (Літва). Яго насельніцтва называлася літвінамі, і размаўлялі яны на старабеларускай мове (якая некалькі стагоддзяў быў дзяржаўнай мовай).

10. Каляды ў нашай краіне святкуюць двойчы: 25 снежня - каталікі, 7 студзеня - праваслаўныя. Гэта афіцыйныя выхадныя дні ў Беларусі.

11. Беларусь - адзіная краіна былога СССР, якая выкарыстоўвае савецкую сімволіку да гэтага часу (з мінімальнымі зменамі).

12. Продкамі-беларусамі могуць пахваліцца многія знакамітасці. Напрыклад, Ліза Кудроў, Скарлет Ёхансан, Харысан Форд, Майкл Дуглас і Льюіс Мэер.

13. Вядомы мастак Марк Шагал - таксама беларус! Многія свае карціны ён прысвяціў роднаму гораду Віцебску, які вельмі моцна любіў.

14. Дзякуючы беларусу Барысу Кіту, які працаваў над стварэннем ракетнагна паліва, была здзейснены місія APOLLO - першае падарожжа чалавека на Месяц.

15. World of Tanks - вядомая гульня, створаная беларускай кампаніяй Wargaming. У беларускай авіякампаніі "Белавія" ёсць самалёт з сімволікай Wargaming. Прыкладанне Viber таксама створана ў Беларусі - гэта вядомы мессенджер, які дазваляе камунікаваць без выкарыстання сотавай сувязі, але з дапамогай інтэрнэту.

16. У Беларусі прафесія праграміста з'яўляецца самай высокааплатнай, і ў нашай краіне вельмі шмат кампаній, звязаных з інфармацыйнымі тэхналогіямі.

17. Наша краіна можа пахваліцца вялікай колькасцю вядомых музыкаў: сярод іх і бітмэйкеры, якія ствараюць музыку для амерыканскіх артыстаў, пераможцы дзіцячага "Еўрабачання" і вядомыя хіп-хоп артысты, а таксама класічныя музыканты.

18. Адна з лепшых тэнісістак свету Вікторыя Азаранка - таксама беларуска. У 2012 годзе яна была Першай ракеткай свету.

19. У 2014 годзе на "БелАЗе" выпусцілі самы вялікі самазвал у свеце. Яго вышыня - 8,7 метра, а грузападымальнасць - да 500 тон. Гэтага гіганта можна ўбачыць толькі ў кар'ерах.

20. У ліпені 2016 года ўпершыню за найноўшую гісторыю беларускай дзяржавы ў нас з'явіліся манеты. Новыя беларускія рублі падобныя на еўра, і адна з гэтых прыгожых банкнот была намінаваная на "Банкноту года".

Чытаць таксама