Плошчы Перамогі ў Мінску

1242eed96e4a34c03dda7910225f2d9b

Плошча Перамогі знаходзіцца на праспекце Незалежнасці. У 1954 г. у цэнтры плошчы быў устаноўлены велічны помнік воінам Чырвонай Арміі і партызанам, якія загінулі ў гады Другой сусветнай вайны - манумент Перамогі - абліцаваны шэрым гранітам абеліск вышынёй каля 40 метраў. Чатыры грані пастамента абеліска аформлены бронзавымі гарэльефамі, створанымі беларускімі скульптарамі:

• 9 мая 1945 года (А.Бембель)
• Партызаны Беларусі (А.Глеб)
• Слава загінуўшым героям (З. Азгур)
• Савецкая Армія ў гады Вялікай Айчыннай вайны (С.Селіханаў)

Абеліск вянчае выява ордэна Перамогі. 3 ліпеня 1961 года ля падставы абеліска запалены Вечны агонь.

У цяперашні час плошча Перамогі ў Мінску з'яўляецца месцам, куды прыходзяць ушанаваць памяць мільёнаў загінуўшых падчас Другой сусветнай вайны. Многія пары прыязджаюць да манумента Перамогі, каб ускласці кветкі да Вечнага агню. Пад зямлёй манумент акружаны кальцавой абыходнай галерэяй, якая пераходзіць у круглую мемарыяльную залу, прысвечаную памяці загінуўшых у гады вайны герояў. У цэнтры вянок з мастацкага шкла з падсветкай знутры - сімвал Вечнага агню памяці. Плошчу акружаюць будынкі, збудаваныя ў 50-я гады XX ст. На плошчы Перамогі знаходзіцца галоўны ўваход у Парк ім. М.Горкага - папулярнае месца адпачынку.

Чытаць таксама

Курган Славы

Курган Славы - знакаміты мемарыял Вялікай Айчыннай вайны, збудаваны на месцы, дзе адбыася адна з галоўных бітваў за вызваленне Беларусі ў час аперацыі "Баграціён".

Руіны Крэўскага замка

Дзякуючы мноству легенд - ад аповедаў пра сакрэтныя тунэлі да гісторый пра замураваных дзяўчат - руіны Крэўскага замка з'яўляюцца адным з найбольш прывабных турыстычных месцаў у Беларусі.

Мінск, пра які Вы не ведалі

Не кожны жыхар нашага горада ведае пра тое, што ў цэнтры сталіцы ёсць замак-турма, пра тое, што ў Мінску ёсць свой Стоўнхэндж і мілыя домікі ў стылі Гаўдзі.