Лошыцкі парк

Дадаць у Мой Гід

У другой палове XVIII стагоддзя каралеўскі генерал-ад'ютант граф Станіслаў Прушынскі ператварыў струхлелую сядзібу ў велізарную рэзідэнцыю, дзе пабывала нямала выбітных асоб: кароль Рэчы Паспалітай Станіслаў Аўгуст Панятоўскі, расійскі імператар Павел I, пісьменнік Вінцэнт Дунін-Марцінкевіч, кампазітар Станіслаў Манюшка ...

Яшчэ больш выдатнай Лошыцу зрабілі яе апошнія ўладальнікі - Яўстафій Любанскі і яго жонка Ядвіга. У маляўнічым парку высаджвалі ўсё новыя экзатычныя расліны, дом быў перабудаваны ў хупавы асабняк, дзе гаспадары ладзілі тэатральныя і паэтычныя вечары, народныя святы. У еўрапейскіх альбомах Лошыцкая сядзіба згадвалася як адна з самых прыгожых, але пасля трагічнай смерці каханай Яўстафій Любанскі закінуў справы і ў 1913 годзе пакінуў маёнтак.

Сёння Лошыцкі сядзібна-паркавы комплекс - адзін з самых прыгожых куткоў Мінска, дзе можна прагуляцца па старадаўніх алеях і наведаць рэзідэнцыю-музей. Пасля шматгадовай рэстаўрацыі тут адноўлены арыгінальныя інтэр'еры канца XIX стагоддзя і сабраны эксклюзіўныя прадметы побыту арыстакратаў.

Чытаць таксама