У Беларусі створаць брэнд Аўгустоўскага канала

Ва ўпраўленні спорту і турызму Гродзенскага аблвыканкама паведамілі, што еўрапейскі бок прафінансуе стварэнне брэнда Аўгустоўскага канала і яго прасоўванне. Эфект, якога чакаецца дасягнуць па завяршэнні працы над праектам, - павелічэнне турыстычнага патоку як мінімум на 20%.

Ва ўпраўленні спорту і турызму сказалі, што «праектам прадугледжана стварэнне стратэгіі ўстойлівага развіцця турысцка-рэкрэацыйнага парку "Аўгустоўскі канал", распрацоўка яго брэнда, стварэнне рознай медыйнай прадукцыі - відэаролікаў, друкаваных буклетаў, рэкламы, прысвечанай каналу».

Падчас працы над брэндам будуць вызначаны моцныя і адметныя рысы Аўгустоўскага канала (у параўнанні з падобнымі тэрыторыямі) і прасоўванне славутасці на турыстычным рынку. Беларуская частка канала стала адным з напрамкаў міжнароднага праекта тэхнічнага садзейнічання «Падтрымка ўстойлівага развіцця турызму ў Беларусі». Рэалізаваць праект плануецца да лістапада 2017 года.

Чытаць таксама

Неверагодны Мінск

Спецыяльна для аднаго з беларускіх сайтаў фатограф і дызайнер Густаў Гудстаф вылучыў свае ўлюбёныя фота Мінска і дапамог убачыць выварат горада.

Мінскі міжнародны кінафестываль "Лістапад"

Мінскі міжнародны кінафестываль «Лістапад» - самая вялікая і статусная падзея ў сферы кіно ў Беларусі. Фестываль праводзіцца штогод у лістападзе.

Фестываль франкамоўных аматарскіх тэатраў

Фестываль франкамоўных аматарскіх тэатраў пройдзе ў Мінскім Палацы дзяцей і юнацтва. Конкурсная праграма будзе доўжыцца два дні. Цырымонія адкрыцця адбудзецца 28 красавіка, цырымонія ўзнагароджання - 29 красавіка.