Амбасады краін ЕС раяць, што паглядзець у Беларусі турысту

1107151500421

Да ўвядзення пяцідзённага бязвізавага рэжыму для замежнікаў засталося ўсяго два дні. Пасольства Германіі, Францыі, Італіі, Польшчы і Вялікабрытаніі ў Беларусі рэкамендуюць месцы ў нашай краіне, якія трэба ўбачыць турысту.

Пасол Германіі ў Беларусі Петэр Дэтмар рэкамендуе наведаць Хатынь, Полацк і Гродна. «Хатынь» Петэр Дэтмар абраў таму, што «гэта частка хай і самай цёмнай, але нашай агульнай гісторыі, а таксама месца агульнай памяці». Гродна і Полацк адрозніваюцца багатай культурнай спадчынай. Таксама пасол рэкамендуе аматарам прыроды наведаць самы стары запаведнік Еўропы - Белавежскую пушчу, і, вядома, Мір і Нясвіж - частку Сусветнай культурнай спадчыны ЮНЕСКА.

Пасол Італіі ў Беларусі Стэфана Б'янкі рэкамендуе турыстам пабываць у Брэсце і Брэсцкай вобласці, а менавіта - у музеі-сядзібе «Пружанскі палацык» ў італьянскім стылі, палацы Сапегаў у Ружанах, горадзе Камянец. Прэс-аташэ пасольства Польшчы Марцін Вайцяхоўскі прапануе турыстам наведаць Мір, Навагрудак і Нясвіж.

Консул пасольства Францыі Карын Бардо раіць турыстам пабываць у трох беларускіх гарадах: Віцебску, Брэсце і Гродне. Віцебск - горад, дзе жылі, тварылі вядомыя Марк Шагал, Казімір Малевіч. Гродна - горад са сваёй архітэктурай, а Брэст - гэта горад, дзе да гэтага часу ёсць ліхтаршчык, які кожны дзень запальвае і гасіць ліхтары.

Пасол Вялікабрытаніі Фіёна Гіб раіць Брэст і Брэсцкую крэпасць як значныя аб'екты беларускай гісторыі. Белавежскую пушчу дыпламат назвала «неверагодным месцам», дзе абавязкова трэба пабываць кожнаму. Фіёна Гіб таксама параіла Нясвіж з яго замкам і легендамі.

Чытаць таксама

Міжнародны фестываль Юрыя Башмета

Міжнародны фестываль Юрыя Башмета - гэта доўгатэрміновая буйнамаштабная культурная акцыя, арыентаваная на з'яднанне творчых сіл Беларусі, Расіі і іншых краін, усяго самага каштоўнага, што нясе ў сабе кожная з нацыянальных культур, стварэнне мірнай супольнасці.

Свет дзяцінства

На выставе можна знайсці цацкі і гульні, школьныя прыналежнасці, кнігі, навучальныя дапаможнікі і перыядычныя выданні для дзяцей і падлеткаў, сучасныя адукацыйныя сістэмы.

Ноч музеяў

Ноч музеяў - міжнародная падзея, якая з году ў год праходзіць у краінах Еўропы і Амерыкі і прысвячаецца Міжнароднаму дню музеяў.