Мінскі міжнародны кінафестываль "Лістапад"

Адрас:	Minsk Паглядзець на мапе Пракласці маршрут
Дата:	11/04/2017 - 11/11/2017

Дадаць у Мой Гід

Конкурсная праграма ММКФ «Лістапад» складаецца з чатырох секцый:

ігравога кіно (асноўны конкурс і конкурс дэбютных фільмаў «Маладосць на маршы»);
дакументальнага кіно (асноўны конкурс і конкурс нацыянальных кінашкол);
конкурсу фільмаў для дзіцячай і юнацкай аўдыторыі «Лiстападзiк»;
Нацыянальнага конкурсу (уключае гульнявыя, дакументальныя і анімацыйныя фільмы).

Кожны год у лістападзе ММКФ «Лістапад» прывозіць у Мінск лепшыя карціны з усяго свету. Асноўныя конкурсы ігравога і дакументальнага кіно сфакусаваны на новых фільмах, створаных у краінах былога сацыялістычнага лагера: краінах СНД, Цэнтральнай і Паўднёва-Усходняй Азіі, краінах Балтыі, Усходняй і Цэнтральнай Эўропы. На галоўную ўзнагароду Мінскага МКФ прэтэндуюць карціны гэтага рэгіёну, якія атрымалі прызнанне самых прэстыжных кінафэстаў свету. Конкурс «Маладосць на маршы» прадстаўляе калекцыю дэбютных работ аўтараў з усяго свету, якія заваявалі прызнанне прафесіяналаў і гледачоў.

На ММКФ «Лістапад» працуе сем складаў міжнароднага журы. Самыя ганаровыя ўзнагароды фестывалю - гран-пры "Золата Лістапада" ("За лепшы фільм"), "Срэбра Лістапада" ("Фільм як з'ява мастацтва", прысуджае Міжнароднае журы кінапрэсы), "Бронза Лiстапада" (прыз глядацкіх сімпатый за лепшы ігравы фільм).

На працягу фестывальнага тыдня праходзіць больш за 200 сеансаў на 5 пляцоўках. Большасць паказаў суправаджаецца сустрэчамі са стваральнікамі фільмаў у фармаце Q&A. Майстар-класы, рэтраспектывы, выставы дапаўняюць фестывальную праграму. ММКФ «Лістапад» кожны год наведваюць да 40 000 гледачоў і больш за 100 гасцей з усяго свету. Сярод іх - культурная і дзелавая эліта сусветнага кінематографа.