Беларускі дзяржаўны цырк

Адметныя асаблівасці цырка:

1. Першы ў СССР каменны стацыянар з глядзельнай залай на 1666 месцаў, пабудаваны пасля Рэвалюцыі 1917г.
2. Адзіны ў СССР, эвакуяваны з занятай немцамі тэрыторыі.
3. Адзіны ў свеце размешчаны ў цэнтры сталіцы дзяржавы і на цэнтральнай вуліцы (заслуга Народнай артысткі Александроўскай).
4. Прыстасаваны для паказу ўсіх цыркавых жанраў, эстрады, спорту, утрымання любых жывёл (у тым ліку - марскіх).
5. Сярод 66 стацыянарных і 22 перасоўных цыркаў СССР наш цырк лічыўся самым чыстым, утульным і камфортным для артыстаў і жывёл. Праца ў цырку была высокім гонарам для любога артыста ад Нікуліна і да выпускнікоў цыркавых вучылішчаў. Гэтак высокі рэйтынг цырка захаваўся і ў нашы дні.

У цяперашні час цырк з'яўляецца пастановачным. Упершыню ў гісторыі «Белдзяржцырка» створаны Першы нацыянальны калектыў «Зоркі Беларусі» аўтарскі праект Т. Бандарчук, прысвечаны 60-годдзю вызвалення Беларусі ад нямецка-фашысцкіх захопнікаў. "Беларускі дзяржаўны цырк" працуе ў двух напрамках:
- Арганізоўвае і праводзіць гастролі міжнародных цыркавых праграм на манежы «Белдзяржцырка»;
- Пракатвае першы беларускі калектыў «Зоркі Беларусі» па краінах блізкага і далёкага замежжа.

Толькі за два апошнія гады мінчане і госці нашай сталіцы змаглі паглядзець міжнародныя праграмы, удзел у якіх прымалі артысты з Беларусі, Расіі, Польшчы, Украіны, Латвіі, Венгрыі, Балгарыі, Кеніі, Кітая, у тым ліку артысты Вялікага цырка Нікуліна на Каляровым бульвары, Маскоўскага цырка на пр. Вернадскага, Вялікага Варшаўскага цырка, Залатога цырка Пекіна і інш. За гэты ж час калектыў «Зоркі Беларусі» і асобныя нумары і атракцыёны таксама гастралявалі па краінах блізкага і далёкага замежжа.

У бліжэйшых планах «Белдзяржцырка» удасканаленне і пашырэнне міжнародных сувязяў, супрацоўніцтва з міжнароднымі калектывамі, абмен цыркавымі праграмамі, а таксама развіццё беларускага калектыву, стварэнне новых праграм і асобных нумароў, дапаўняючы іх трукавай часткай. З годнасцю і гонарам несці брэнд «Зоркі Беларусі».

Чытаць таксама

Нацыянальная бібліятэка Рэспублікі Беларусь

Нацыянальная бібліятэка Беларусі ўзначальвае сістэму бібліятэк краіны, з'яўляецца захавальніцай магутнага інфармацыйнага рэсурсу. Больш за 90 гадоў яна збірае дакументальную спадчыну беларускага народа.

Гісторыка-культурны музей-запаведнік "Заслаўе"

Заслаўе - адзін з самых старажытных гарадоў Беларусі: упершыню згадваецца ў летапісах пад 1127 годам, але заснаваны намнога раней.

Цэнтральны батанічны сад

Дзякуючы неверагоднаму спалучэнню агульнасусветных і мясцовых відаў раслін, прадстаўленых у батанічным садзе, ён можа стаць займальнай месцам для баўлення вольнага часу. Тут можна выдатна правесці час з дзецьмі і наведаць экалагічную экскурсію-ўрок, папоўніць свой багаж ведаў, вывучыўшы экспазіцыі саду, або проста адпачыць у цені дрэў і адлучыцца ад мітусні і клопатаў.