Музейны комплекс старадаўніх народных рамёстваў і тэхналогій "Дудуткі"

4.1

У ваколіцах вёскі Дудзічы побач з комплексам калісьці быў маёнтак знакамітага дваранскага роду Ельскіх, якія ператварылі Дудзічы ў буйны рамесны і гандлёвы цэнтр, "сядзібу муз". Да 1800 году ў маёнтку былі не толькі дом гаспадароў і рамесныя майстэрні, але і драўляная царква, млын, тры карчмы, сад, аранжарэя, невялікі гарбарны завод. Кожны месяц у мястэчку праводзіліся кірмашы. Ініцыятарам стварэння музея "Дудуткі", які адкрыўся ў 1994 годзе, стаў беларускі журналіст Яўген Будзінас. На аснове багатай гісторыі Дудзічаў з'явіўся комплекс, дзе ўзноўлены ўклад жыцця беларускага маёнтка ХIХ стагоддзя.

Сёння ў "Дудутках" ёсць:

• этнаграфічная галерэя з экспазіцыяй прадметаў побыту ΧVІІІ-ΧΧ стагоддзяў
• рамесны двор (салома- і лазапляценне, ткацтва)
• ганчарная майстэрня (музей керамікі)
• майстэрня цесляра
• старадаўняя кузня ΧІΧ стагоддзя
• сыраварня
• хлебапякарня
• бровар (цэх самагонаварэння)
• гараж з рэтра-аўтамабілямі (ЗІМ, Чайка, Хорьх, Віліс, Фольксваген Жук, Ганомак, Фіят таполевы, Крайслер)
• вятрак галандскага ўзору (збудаваны ў 1903-1905 гг. братамі Міхаілам і Іванам Паляковымі)
• драўляная царква Іаана Прарока
• стайня з пародзістымі конямі, поні, ішаком
• заасад (каровы, авечкі, свінні, трусы, хатнія птушкі)
• ферма са страўсамі

Гасцям музейнага комплексу прапануюць дэгустацыі прадуктаў мясцовай вытворчасці ў бровары (самагон, хлеб, мёд, агурок), у пякарні (свежаспечаны хлеб, 3 віды сыроў, масла) і на млыне (сялянскі хлеб з салам). У комплексе ёсць кафэ ("Дудуткі", "Карчма"), шынок, гасцініца "Пціч", гасцявы дом з лазняй. На працягу ўсяго года ў "Дудутках" праходзяць святы і фестывалі:

• Масленіца
• Адкрыццё і закрыццё сезону ("Спадчына Ельскіх")
• Дзень Перамогі і Дзень Незалежнасці
• Фестываль вулічных артыстаў
• Пленэр кавалёў
• Open air "Купалле"
• Прастольнае свята Дудуткаўскага храма
• Фестываль славы беларускай зброі "Наш Грунвальд"
• Фэст "Этна Млын"
• Свята "Трох Спасаў"
• "Калядная выстава"

Дзе знаходзіцца:
Мінская вобласць, Пухавіцкі раён, за паўтара кіламетры ад вёскі Дудзічы.

Чытаць таксама

Нацыянальны гістарычны музей Рэспублікі Беларусь

Нацыянальны гістарычны музей Рэспублікі Беларусь - адзін з найбольш папулярных музеяў краіны. У яго фондах захоўваецца самая вялікая музейная калекцыя ў Беларусі - гэта каля 400 тыс. адзінак захоўвання.

Дом-музей Ваньковіча

Амаль у цэнтры сучаснага Мінска захавалаўся сціплы асабняк. Эксперты лічаць, што гэта жамчужына архітэктуры пачатку XIX стагоддзя: як неаднаразова адзначалі даследавальнікі, гэты дом пабудаваны ў строгай адпаведнасці з канонамі класіцызму, у адпаведнасці з прапорцыямі «залатога сячэння».

Археалагічны музей «Бярэсце»

Berestye Archeological Museum is unique in Europe, because its visitors can view an archaeological site displaying an authentic East Slavic wooden town dating back to the 13th century.