Перасячэнне беларускай мяжы

Візавыя пытанні.

Для таго, каб прыехаць у Беларусь, грамадзянам большасці дзяржаў спатрэбіцца беларуская віза. Калі вы плануеце наведаць Беларусь, звярніце асаблівую ўвагу на інфармацыю аб візавых пытаннях. Але замежныя госці з 80 краін свету, якія прыязджаюць у Беларусь праз аэрапорт "Мінск", змогуць правесці ў нашай краіне 5 дзён без візы. Гэта тычыцца грамадзян 39 краін Еўропы, у тым ліку ўсіх грамадзян Еўрапейскага саюза, Бразіліі, Інданезіі, ЗША, Японіі і некаторых іншых краін.

Тавары.

Пры перасячэнні мяжы вам спатрэбіцца запоўніць мытную дэкларацыю. Дазваляецца перавозіць асабісты багаж вагай не больш за 50 кг і коштам не больш за 1,5 тысячы еўра; 3 літры алкагольных напояў і піва на аднаго чалавека, якi дасягнуў 18-гадовага ўзросту; 200 цыгарэт, 50 цыгар або 250 г. тытуню без выплаты мытнай пошліны. У іншым выпадку тавар абкладаецца мытнай пошлінай у памеры 30% ад кошту тавару, але не менш за 4 еўра ў разліку на 1 кг вагі.

Грошы.

Сумы менш за 10 тыс. даляраў у эквіваленце дазваляецца бесперашкодна перавозіць праз беларускую мяжу. У іншым выпадку грашовыя сродкі павінны быць задэклараваны.

Абмежаванні і забарона на правоз пэўных груп тавараў.

Праз мяжу Беларусі забаронена перавозіць агнястрэльную зброю, вайсковы рыштунак; наркатычныя, псіхатропныя, таксічныя, атрутныя, радыеактыўныя і выбуховыя рэчывы. Падарожнічаць з жывёламі дазволена толькі пры наяўнасці адпаведнага ветэрынарнага пасведчання.

Чытаць таксама


Транспарт у Беларусі

У Беларусі добра развітыя транспартныя зносіны, і наша інфармацыя дапаможа вам выбраць найбольш зручны спосаб перамяшчэння як пры ўездзе, так і пры перамяшчэнні ўнутры краіны.

«Гэта мне па кішэні». Як добра адпачыць у Беларусі і не выдаткаваць шмат грошай.

Для таго каб падарожнічаць па Беларусі, не трэба мець «тоўсты» гаманец. Вось некалькі парад, як атрымаць ад адпачынку максімум задавальнення, выдаткаваўшы пры гэтым мінімум сродкаў.

Падарожжа для людзей з абмежаванымі магчымасцямі

Прыехаўшы ў Беларусь, людзям з абмежаванымі магчымасцямі прыйдзецца сутыкнуцца з пэўнымі праблемамі. Аднак інфраструктура для людзей, якія не могуць свабодна перасоўвацца, пастаянна паляпшаецца.

Водгукі