Падарожжа для людзей з абмежаванымі магчымасцямі

Belarus for Disabled Visitors

Прыехаўшы ў Беларусь, людзям з абмежаванымі магчымасцямі прыйдзецца сутыкнуцца з пэўнымі праблемамі. Асабліва востра гэтая сітуацыя адчуваецца ў невялікіх гарадах і сельскай мясцовасці.

Тым не менш, інфраструктура для людзей, якія не могуць свабодна перасоўвацца, пастаянна паляпшаецца. Ужо цяпер некаторыя беларускія музеі, кінатэатры, тэатры, кафэ, рэстараны і атэлі абсталяваны адмысловымі пад'ёмнікамі і пандусамі. Пра тое, ці могуць вам прапанаваць адпаведныя паслугі ў атэлі, дзе вы збіраецеся спыніцца, лепш непасрэдна ўдакладніць у самым атэлі загадзя.

У людзей з абмежаванымі магчымасцямі не ўзнікне праблем пры наведванні Нацыянальнай бібліятэкі, Цырка і Тэатра оперы і балета ў Мінску. Новыя станцыі метро ў беларускай сталіцы таксама абсталяваны ўсім неабходным для перамяшчэння людзей з абмежаванымі магчымасцямі. Не складзе працы дабрацца да некаторых беларускіх гарадоў на цягніках Рэгіянальных ліній. Што ж тычыцца Нацыянальнага аэрапорта Мінск-2, то ён таксама мае неабходнае абсталяванне, з дапамогай якога чалавек на інвалідным вазку можа падняцца на борт самалёта і сысці з яго, а таксама перасоўвацца па будынку аэравакзала. Для паездак у буйных гарадах краіны можна выкарыстаць спецыяльнае таксі.

Гатовы прадаставіць свае паслугі і некаторыя спецыялізаваныя турагенцтвы. Спецыялізаваныя кампаніі могуць дапамагчы ў выбары турыстычнага маршруту людзям, якім складана самастойна перасоўвацца. Праграмы аздараўлення людзям з хваробамі апорна-рухальнага апарата прапануюць і некаторыя беларускія санаторыі: «Прыдняпроўскі», «Лясныя азёры», «Юнацтва», «Прыазёрны».

У Беларусі трэба зрабіць яшчэ вельмі многае, каб людзі з абмежаванымі магчымасцямі маглі бесперашкодна падарожнічаць па краіне і атрымліваць ад гэтага задавальненне. Але ўжо цяпер з радасцю можна адзначыць той факт, што прагрэс у гэтай справе, несумненна, ёсць.

Чытаць таксама

Беларуская віза

Калі вы плануеце наведаць Беларусь, звярніце асаблівую ўвагу на інфармацыю аб візавых пытаннях.

Перасячэнне беларускай мяжы

Даведайцеся пра тое, каму патрабуецца беларуская віза, якія існуюць абмежаванні пры перавозцы тавараў і грошай праз мяжу, і іншых фармальнасцях, з якімі Вам прыйдзецца сутыкнуцца на беларускай мяжы.

«Гэта мне па кішэні». Як добра адпачыць у Беларусі і не выдаткаваць шмат грошай.

Для таго каб падарожнічаць па Беларусі, не трэба мець «тоўсты» гаманец. Вось некалькі парад, як атрымаць ад адпачынку максімум задавальнення, выдаткаваўшы пры гэтым мінімум сродкаў.