Антрапагенічная Беларусь

DSC_37332

Даламітавы кар'ер "Гралева"

Пад Віцебскам, у пасёлку Руба, знаходзіцца самае буйное ў Беларусі радовішча даламіту. Яго выкарыстоўваюць як угнаенне, як матэрыял для будаўніцтва. За больш чым 70-гадовую гісторыю на гэтым месцы ўтварыліся сапраўдныя горы, серпантын і каньёны, пра якія не ведаюць нават мясцовыя.

Адрас: п. Руба, Віцебскі раён, Віцебская вобласць.

Салігорскія тэрыконы

Марсіянскія ландшафты і сапраўдная пустата пад Салігорскам. У 1949-м тут знайшлі адно з самых вялікіх у свеце радовішчаў калійнай  солі, а праз чатырнаццаць гадоў запусцілі калійны камбінат. За столькі гадоў распрацоўкі тут з'явіліся тэрыконы - адвалы з пустых парод. Гэта не проста кучы, а сапраўдныя горы вышынёй 120 метраў (а гэта 44-павярховы хмарачос).

Адрас: в. Чапялі, в. Півашы, в. Чыжэвічы, Салігорскі раён, Мінская вобласць.

Баластавы кар'ер "Радашковічы"

У вёсцы Пралескі здабываюць пясок і друз для будаўніцтва чыгуначных шляхоў. Акрамя перападу вышынь, якіх у Беларусі вельмі мала, тут можна ўбачыць, як працуе здабывае прамысловасць. У цэнтры - ледавіковы кангламерат, сотні тысяч гадоў таму яго прынёс да нас ледавік са Скандынавіі.

Адрас: в. Пралескі, Маладзечанскі раён, Мінская вобласць.

Закінутыя баржы на возеры Сяргееўскае

Адчуць сябе героем антыўтопіі можна на гэтым возеры. У 80-я тут здабывалі сапрапель (карысны бруд), але пасля закінулі радовішча - засталіся толькі баржы і бетонныя пляцоўкі, на якіх размяшчаліся механізмы. Вабнае месца, каб пабыць аднаму і падумаць аб жыцці, тым больш што вакол - некранутая прырода.

Адрас: п. Праўдзінскі, Пухавіцкі раён, Мінская вобласць.

Акведукі мінска-вілейскай воднай сістэмы

Паглядзець на акведукі можна і ў Беларусі, у напрамку да Вілейцы. Трэба убачыць хоць бы самае галоўнае: першую помпавую станцыю каля Вілейскага вадасховішча, акведукі, па якіх над каналам цякуць іншыя рэкі, каб не забруджваць сцёк, помпавую станцыю №2, дзе вада па трубах падымаецца на 90 метраў уверх, утульнае Удранское вадасховішча і, вядома ж, гаць каля дома Купалы ў Вязынцы.

Адрас: Вілейка - Радашковічы - Заслаўе.

Санаторый "Іслач"

Калі кажуць пра Чарнобыльскую катастрофу, заўсёды ўзгадваюць Прыпяць або поўдзень Беларусі. Аднак радыеактыўныя рэчывы лакальна забрудзілі і паўночна-заходнія часткі краіны. Нават пад Мінскам ёсць маленькая «зона адчужэння» - менавіта там знаходзіцца вялікі закінуты санаторый «Лясное». Можна залезці на вежу санаторыя, каб паглядзець на Налібоцкую пушчу. Абавязкова трэба прайсціся і па будынку - у пакоях захавалася мноства артэфактаў з 80-х, асабістых рэчаў і нават мэблі.

Адрас: в. Іслачоўка, Валожынскі раён, Мінская вобласць.

Чытаць таксама

Маладзечна. На скрыжаванні эпох

Гісторыя Маладзечна з'яўляецца неад'емнай часткай беларускай гісторыі наогул. Горад можа ганарыцца вядомымі суайчыннікамі, якія зрабілі свой унёсак у нацыянальную і сусветную гісторыю і культуру. Маладзечна ўпершыню згадваецца ў дакуменце аб падпарадкаванні вялікаму князю літоўскаму Ягайла, падпісаным герцагам Ноўгарад-Северскі Дзмітрыем Альгердавічам у Маладзечанскім замку 16 снежня 1388 года.

Гомель: у пошуках некранутай прыроды.

Гомель размешчаны на паўднёвым усходзе Беларусі. Гомельская вобласць мяжуе з Расіяй на ўсходзе і Украінай на поўдні. Каля траціны плошчы гэтага рэгіёну краіны займаюць сельскагаспадарчыя землі, але тут ёсць, на што паглядзець.

Гродзенская вобласць

Гродзенская вобласць можа пахваліцца многімі выдатнымі мясцінамі, такімі як Мірскі замак, Гальшанскі і Лідскі замкі, Траецкі касцёл у Гервятах, а таксама ўражлівая архітэктурная панарама самаго Гродна.