Мінская вобласць

Minsk Region

Мінск. Прайдзіцеся па сталічных праспектах і вуліцах, акуніцеся ў атмасферу цэркваў і сабораў горада (Чырвоны касцёл, або Касцёл Св.Сімеона і Алены; Кафедральны сабор Сашэсця Святога Духа; Архікафедральны сабор Найсвяцейшай Панны Марыі), здзейсніце шпацыр у Траецкае прадмесце, гістарычны раён горада, або накіроўвайцеся да сучаснага будынку Нацыянальнай бібліятэкі. Менавіта тут, у беларускай сталіцы, сучаснасць цудоўным чынам пераплятаецца з гісторыяй, і гэта варта пабачыць на свае вочы.

Хатынь. Адзін з найбольш кранальных і журботных, гэты мемарыяльны комплекс ўвасабляе ідэю мужнасці і стойкасці духу жыхароў Беларусі, якія ахвяравалі сваім жыццём дзеля перамогі. Ён быў узведзены на месцы спаленай фашыстамі вёскі Хатынь, каб увекавечыць памяць кожнага чацвёртага беларуса, які загінуў у гады Вялікай Айчыннай вайны. Нібы жывыя, скульптуры комплексу, а таксама гук званоў на месцы кожнага спаленага дому, ствараюць асабліва вострыя ўражанні.

Дудуткі. Здзейсніце займальнае падарожжа ў свет народнай культуры Беларусі, наведаўшы Музей старадаўніх народных рамёстваў і тэхналогій "Дудуткі", размешчаны пад адкрытым небам. Мінулае і сучаснасць сустракаюцца тут, каб стварыць атмасферу незвычайнай утульнасці і хатняга цяпла. Стравы нацыянальнай кухні і сапраўдныя творы мастацтва, створаныя народнымі майстрамі, дапамагаюць наведвальнікам адчуць сябе як дома.

Нясвіж. Вядомы з XIII стагоддзя, ён некалі з'яўляўся калыскай аднаго з самых магутных магнацкіх родаў Беларусі, Радзівілаў. Нясвіж павінен стаць абавязковай часткай вашага падарожжа па Мінскай вобласці. Касцёл у імя Божага цела, адзін з найбольш ранніх езуіцкіх касцёлаў, а таксама адзін з першых храмаў у стылі барока і Слуцкая брама, адзіныя, якія дайшлі да нашых часоў, вароты пабудовы пачатку XVII стагоддзя стануць выдатным пачаткам вашага шпацыру па горадзе. Але сапраўдная архітэктурная пярліна Нясвіжа - гэта, вядома ж, Нясвіжскі замак, у свой час сямейная рэзідэнцыя Радзівілаў, а сёння аб'ект Сусветнай спадчыны ЮНЕСКА.

Чытаць таксама

Брэсцкая вобласць

Брэсцкая крэпасць, Белавежская пушча, Ружанскі палац і Косаўскі замак з'яўляюцца абавязковымі да наведвання ў Брэсцкай вобласці.

Забавы на прыродзе па-беларуску

Падарожжа па Беларусі прапануе мноства магчымасцяў для актыўнага адпачынку на прыродзе: паляванне, рыбалка, катанне на каньках і на лыжах, і гэты спіс лёгка працягнуць.

Мір. У свеце спадчыны

Мір - гэта горад у Гродзенскай вобласці на беразе ракі Міранка. Вёска Мір была заснавана дзесьці да 1345 года. Тут размешчаны позні сярэднявечны замак, з-за якога горад стаў аб'ектам шматлікіх нападаў на працягу стагоддзяў.