Лепшыя ідэі для адпачынку

Popular Things to Do

Усё роўна, калі і з кім вы вырашыце адправіцца ў падарожжа па Беларусі, тут вас чакае мноства выдатных забаў. Знайдзіце сабе ідэі для адпачынку, якія мы падрыхтавалі для вас, і выбірайце ў гэтым калейдаскопе менавіта тое, што падабаецца вам.

Адчуйце яднанне з прыродай.

Няхай гэта будзе зіма ці лета, восень ці вясна, тут заўсёды знойдзецца, чым заняцца. У снежную пару адпраўляйцеся ў гарналыжныя цэнтры (велізарнае мноства засяроджана вакол сталіцы - горада Мінска), там вас чакаюць незабыўныя зімовыя забавы! Лета - выдатны час для водных забаў. Можна парыбачыць, паплаваць на лодцы або проста пазагараць на беразе маляўнічага возера ці ракі, якіх у краіне мноства, нездарма Беларусь называюць «сінявокай». Адчуць неверагодную прыгажосць беларускай восені можна здзейсніўшы велашпацыр за горад. А ранняй вясной цяжка ўявіць сабе больш вясёлы занятак, чым святкаванне Масленіцы! Пазней, калі стане зусім цёпла, прагуляйцеся па гарадскім парку ці едзьце на прыроду, далей ад горада. Дзе, калі не тут, можна ўбачыць і адчуць, як прачынаецца ад зімовага сну зямля.

Пашырайце свой кругагляд.

Падарожжа - выдатная магчымасць даведацца пра што-небудзь новае і пашырыць межы сваіх ведаў. З гэтым як нельга лепш дапамогуць справіцца беларускія музеі. Чыгуначны музей, Музей старадаўніх народных рамёстваў і тэхналогій, тэраталагічны музей, Аптэка-музей, Музей міфалогіі і лесу прапануюць сваім наведвальнікам унікальныя экспазіцыі і выставы, якія наўрад ці дзе-небудзь яшчэ можна сустрэць. Калі ж вы чалавек мастацтва, адпраўляйцеся «на разведку» у адну з мастацкіх галерэй. Узбагаціцца ведамі пра Беларусь вам дапамогуць і іншыя культурныя і гістарычныя славутасці.

Ўзбагачайцеся духоўна.

На працягу многіх стагоддзяў на тэрыторыі Беларусі мірна суіснавалі прадстаўнікі розных рэлігійных канфесій, гэта дапамагло выпрацаваць беларускаму народу адну вельмі важную якасць - талерантнасць да прыхільнікаў іншых веравызнанняў. Да паслядоўнікаў якой сусветнай рэлігіі вы б ні належалі, а, магчыма, вас нельга аднесці да ліку вернікаў ні адной з іх, наведайце беларускія храмы. Хоць бы таму, што яны захаваліся з даўніх часоў і ўяўляюць вялікую гістарычную, культурную і архітэктурную каштоўнасць.

Атрымлівайце асалоду ад адпачынку ў коле сям'і.

Калі вы аддаеце перавагу адпачынкў у коле сям'і, выпраўляючыся ў падарожжа па Беларусі, будзьце ўпэўнены: мы прыкладзём максімум намаганняў, каб гэты адпачынак пакінуў толькі самыя лепшыя ўспаміны ў кожнага з членаў вашай сям'і. Зоймецеся вы актыўным адпачынкам, адправіцеся аглядаць славутасці або спыніце свой выбар на карысць спакойнага адпачынку на прыродзе, у любым выпадку вы выдатна і з карысцю будзеце бавіць час. А для самых пераборлівых у нас заўсёды ёсць спецыяльныя прапановы!

Акуніцеся з галавой у гісторыю.

За сваю гісторыю Беларусь перажыла многае: была часткай Кіеўскай Русі, Вялікага княства Літоўскага, Рэчы Паспалітай, Расійскай імперыі, падчас Другой сусветнай вайны тэрыторыя краіны была акупаваная нямецка-фашысцкімі захопнікамі, вызвалена войскамі Савецкага Саюза і, нарэшце, атрымала незалежнасць як Рэспубліка Беларусь; таксама неаднаразова руйнавалася войнамі і затым зноў аднаўлялася. Усё гэта, несумненна, пакінула свой адбітак на абліччы краіны, сведчанне чаму  - маўклівыя назіральнікі: замкі, сядзібы, палацы і вежы. Ад іх вы даведаецеся пра многае, хоць размаўляць яны не ўмеюць.

Рабіце выгадныя пакупкі.

Шопінг - лепшыя лекі. І гэта стане праўдай, калі вы адпраўляецеся за пакупкамі ў Беларусь. Кошты на многія тавары тут адносна невысокія, а, да таго ж, часцяком можна набыць сапраўды ўнікальныя рэчы, якія яшчэ шмат гадоў будуць нагадваць вам пра Беларусь (у якасці сувеніра можна прывезці вырабы з лёну, крышталя, прысмакі і вырабы ручной работы). Шопінгам у Беларусі задаволенымі застанецеся не толькі вы, але і ваш гаманец.

Чытаць таксама

Амбасады краін ЕС раяць, што паглядзець у Беларусі турысту

Паслы замежных дзяржаў ведаюць, што паглядзець у Беларусі турысту. У кожнага з іх ужо склаўся свой вобраз нашай краіны і нават з'явіліся любімыя славутасці.

Нясвіжскі палац

Нясвіжскі палацава-замкавы комплекс з'яўляецца адным з найпрыгажэйшых і найбольш вядомых замкаў Беларусі. Яго выбітная архітэктура, паркавы ансамбль з'яўляюцца гістарычнымі і культурнымі каштоўнасцямі краіны, і ў 2006 годзе ён быў дададзены да спісу Сусветнай Спадчыны ЮНЕСКА.

Віцебск. Калыска для мастака.

Віцебск - калыска беларускай культуры, адзін з самых прывабных і гістарычна багатых гарадоў нашай краіны.