Нясвіжскі палац

World Famous Magnificent Nesvizh Palace

Размешчаны ў 120 км на паўднёвы захад ад сталіцы Беларусі, Нясвіж з'яўляецца адным з найстарэйшых гарадоў краіны. Першая згадка пра горад адносіцца да 1223 года. У XV стагоддзі ён пераходзіць у валоданне да вядомага роду Радзівілаў больш чым на тры стагоддзі. У 1586 годзе Нясвіж атрымлівае Магдэбурскае права дзякуючы намаганням Мікалая Хрыстафора Радзівіла Сіроткі. З гэтага часу горад пачынае хутка развівацца і іграе важную ролю ў навуцы, мастацтве, рамёствах і архітэктуры. Сёння Нясвіж - гэта сучасны горад, цікавы турысту, перш за ўсё, сваёй культурнай і гістарычнай спадчынай, але і не менш прывабны ў дачыненні развітой інфраструктуры.

Дзякуючы свайму багатаму мінуламу, Нясвіж можа пахваліцца неверагодным лікам славутасцяў. Ядром горада зараз, як і ў мінулыя стагоддзі, з'яўляецца Рынкавая плошча (цяпер Цэнтральная), у цэнтры якой стаіць ратуша, сімвал падараванага гораду Магдэбурскага права. Аднак першае, што чакае вас на шляху да цэнтральнай плошчы горада, - Слуцкая брама, адзіныя якія дайшлі да нашых часоў вароты канца XVI стагоддзя - пачатку XVII стагоддзя. Не менш прывабнымі для падарожнікаў будуць таксама Дом рамесніка, адзіны захаваны ў Беларусі ўзор гарадскога жылля першай паловы XVIII стагоддзя з барочным фасадам; Касцёл у імя Божага цела, першы на тэрыторыі Рэчы Паспалітай і другі ў свеце помнік, збудаваны ў стылі барока; будынак Дамініканскага манастыра і Жаночага кляштара бенедыкцінаў.

Але адмысловае зачараванне, унікальную атмасферу, гістарычную і культурную своеасаблівасць гораду надае, несумненна, Нясвіжскі палацава-замкавы комплекс. Размешчаны на паўночным усходзе горада ў асяроддзі сажалак ракі Уша, ён быў узведзены па ініцыятыве Мікалая Крыштафа Радзівіла Сіроткі ў перыяд з 1549 па 1616 гады. За сваю 400-гадовую гісторыю замак «увабраў» у сябе рысы розных архітэктурных стыляў: Рэнесансу і класіцызму, барока і ракако, ар-нуво і неакласіцызму. Але, тым не менш, усе элементы палацава-замкавага комплексу заўсёды складалі адзінае цэлае з пункту гледжання архітэктурнай прасторы.

За час свайго існавання замак неаднаразова вытрымліваў аблогі рускіх войскаў у XVII і XVIII стагоддзях, падчас нападу шведаў у 1706 годзе замак быў часткова разбураны. Рамонтныя і рэканструкцыйныя работы, пачатыя ў 20-я гады ХVIII стагоддзя, адзначылі сабой новы перыяд у жыцці комплексу.

Тут захоўваўся архіў Вялікага Княства Літоўскага. Замкавая бібліятэка да пачатку 1770 года налічвала каля 20 тысяч тамоў кніг. У другой палове ХVIII стагоддзя гэта была самая буйная прыватная бібліятэка на землях Рэчы Паспалітай. У карціннай галерэі ў 1770 годзе знаходзілася 984 карціны. Унікальнымі былі калекцыі зброі, нумізматыкі, шматлікія каштоўнасці некалькіх замкавых скарбніц. Аднак неўзабаве валоданні Радзівілаў падвергліся канфіскацыі, і замак паступова пачаў прыходзіць у заняпад.

 1860-х гадах замак зноў вярнуўся да Радзівілаў, пасля чаго пачалося яго пашырэнне. У прыватнасці, быў збудаваны Замкавы парк, Японскі сад і парк у англійскім стылі. У часы СССР у комплексе размяшчаўся санаторый, у той час як за паркавы ансамбль практычна не даглядалі, і ён прыйшоў у запусценне. Неўзабаве яго лёс падзяліў і сам замак. Рэстаўрацыйныя работы па аднаўленні палацава-замкавага комплексу ў Нясвіжы пачаліся ў 2000 годзе і былі цалкам завершаны да 2012 года. Сёння Нясвіжскі палацава-замкавы комплекс адкрыты для наведвальнікаў.

Падрабязную інфармацыю пра экскурсіі і іншых паслугах, расцэнках, а таксама пра тое, як дабрацца да Нясвіжскага замка вы знойдзеце на яго афіцыйным сайце http://niasvizh.by/.

Чытаць таксама

Музей-сядзіба І. Рэпіна «Здраўнёва»

Калі вы вырашыце спытаць у віцябляніна, што цікавага можна паглядзець у ваколіцах Віцебска, то хутчэй за ўсё пачуеце: сядзібу Рэпіна «Здраўнёва».

Ружанскі палац

Палацавы комплекс у Ружанах - адзін з унікальных куткоў Беларусі. На працягу стагоддзяў найпрыгажэйшы архітэктурны ансамбль, які называюць беларускім Версалем, належаў магутнай дынастыі Сапегаў.

Руіны Крэўскага замка

Дзякуючы мноству легенд - ад аповедаў пра сакрэтныя тунэлі да гісторый пра замураваных дзяўчат - руіны Крэўскага замка з'яўляюцца адным з найбольш прывабных турыстычных месцаў у Беларусі.